Asteklima Uribe Kostan

2022ko irailaren 23tik urriaren 2ra bitartean, Euskadik “Asteklimaren” hirugarren edizioa ospatuko du, Klimaren eta Energiaren Astea. Eusko Jaurlaritzako Ekonomiaren Garapen, Jasangarritasun eta Ingurumen Sailak bultzatutako ekimena da, EEE eta Ihobe erakunde publikoen bitartez, eta beharrezko trantsizio energetiko eta klimatikoaren aurrean herritarrak kontzientziatzea eta mugitzea du helburu.

Aldaketa klimatikoaren aurkako borrokan herritarrei ekintzara deitzeko asmoz, Uribe Kostako Zerbitzuen Mankomunitateak basoberritzeari eta biodibertsitatearen galerari buruzko antzoki bat antolatuko du aste horretan. Ekintza horren bidez, 7 eta 13 GJHak, Energia Irisgarria eta Ez Kutsagarria eta Klimaren Aldeko Ekintza lagunduko dira, hurrenez hurren.

“Astekliman” zehar, udalerri bakoitzean antzerki-saio bat antolatuko da, “Irupé la niña que quería tocar la Luna” izenekoa:

• Berangon, Lemoizen, Gorlizen, Plentzian eta Urdulizen, kasuan kasuko ikastetxeetako haurrei eskainiko da emanaldia.
• Sopelan eta Lemoizen, aldiz, emanaldiak publiko osoari irekita egongo dira, kultur etxeetara hurbildu nahi duten guztientzat, eta aukera paregabea izango da familian gozatzeko. Lehenengo emanaldia Lemoizen izango da, irailaren 24an, larunbata, 12:00etan, Armintzako kultur etxean. Sopelan urriaren 1ean, larunbata, arratsaldeko 18:00etan izango da Kurtzioko Kultur Etxean. Doakoa izango da edukiera bete arte.

• ANTZERKI-EMANALDIAREN LABURPENA

Irupé, tximeletaz, erleez eta txoriz inguratutako baso natibo batean bizi da, oso zoriontsua da han, basoak bizitzeko behar duen guztia eskaintzen dio. Baina egun batean gizon batzuek su ematen diote mendiari.

Neskaren bizitza erabat aldatzen da, maite duen guztia galtzen du. Irupek basoa berriro basoa izatea nahi du. Horregatik gauero zuhaitz baten gainera igotzen da eta ilargia ukitzen saiatzen da bere nahia bete dezan, mendia berriro mendi izan dadin. Ilargiak bere nahia beteko du?

• Iraupena: 40 min
• Helburuak:
  ➢ Lurraldeek baso-soiltzearen eta erauztearen aurrean bizi duten egoera kritikoa jakinaraztea.
  ➢ Lehengaien jatorriari eta lehengaiak ateratzen diren lurraldeetan sortzen duten inpaktuari buruzko galderak sortzea.
  ➢ Publikoa sentsibilizatzea: jatorrizko herriek lurraldearen gainean duten begirada eta kosmobisioa ematea, Iruperen sorrerari buruzko Guaraní herriaren kondaira(kosmobisioa) abiapuntutzat hartuta.
  ➢ Latinoamerikako biztanleek eta lurraldeek, batez ere jatorrizko herriek, bizi duten problematika bistaratzea.
  ➢ Pentsamendu kritikoa sustatzea, bizi garen mugetatik haratago. (Tokian-tokian ekin eta globalki pentsatu)
  ➢ Inguruko tokiko espezieak ezagutaraztea, dagoen fauna-aniztasunari eta kultura-aniztasunari balioa emanez.
  ➢ Adin guztietako ikusleentzako kalitate profesionaleko begirada poetiko eta artistikoa eskaintzea, genero-ikuspegiarekin.

Informazio gehiagorako:
Iñigo Aranbarri
688 621 860
aranbarri@sormen.eus