🌞 UDA IKASTAROAK: IRAUNKORTASUNERAKO HEZKUNTZA ESKOLA 2030

🌞 UDA IKASTAROAK: IRAUNKORTASUNERAKO HEZKUNTZA ESKOLA 2030

Uzt. 04. – Uzt. 05. 2024

Jasangarritasunerako Hezkuntza oinarrizko tresna da 2030erako Garapen Jasangarriaren eta Basque Green Deal ereduaren helburuak gauzatzeak etorkizuneko Euskadi jasangarrirako zehazten duten aldaketa eta eraldaketa ekosoziala lortzeko. Ihobek, UPV/EHUren Uda Ikastaroak Fundazioarekin elkarlanean, urtero antolatzen duen Ingurumen Hezkuntzako Eskola eragileak eta profesionalak elkartzeko aukera bat da, erronkei heltzeko eta konponbideak partekatzeko.

Hirugarren edizio honetan, gure jarduerak gizartean eta ingurumenean duen inpaktuari buruz hausnarketa egitera gonbidatzen zaituztegu. Ingurumen-hezkuntza ari al da lortzen gizartean lortu nahi ditugun helburuak eta aldaketak?

Nola jakingo dugu bide eraginkor batetik goazen? Identifikatu al dezakegu zerk funtzionatzen duen eta zerk ez? Inpaktuen neurketetatik edo ebaluazioetatik ikasitakoa aplikatzen al dugu programa berri bat diseinatzen dugunean edo esku-hartze bat egokitzen dugunean? Kudeaketa-erabakiak gidatzen al ditugu inpaktuari buruz lortutako emaitzetan oinarrituta?

Galdera horiei eta zuen intereseko beste batzuei erantzuteko, gizarte- eta ingurumen-inpaktuaren neurketak eta kudeaketak eskaintzen dizkiguten aukerak sakonduko ditugu. Sortzen ari garen aldaketa neurtzeko hainbat esparru metodologiko landuko ditugu, ingurumen-hezkuntzaren esparruan inpaktua ebaluatzeko eta neurtzeko garatutako esperientzien adibide praktikoak eskainiko ditugu, aldaketa-teoria bat definitzen ikasiko dugu, eta elkarrekin aztertuko dugu hurbilketa horiek ikasteko eta berritzeko duten erabilgarritasuna.

Informazio gehiago hemen