BASOARI, URARI ETA BIODIBERTSITATEARI BURUZKO UNITATE DIDAKTIKO BAT SORTZEA

BASOARI, URARI ETA BIODIBERTSITATEARI BURUZKO UNITATE DIDAKTIKO BAT SORTZEA

Lekeitioko Udaleko ingurumen zinegotzigoak eskaera hau egin digu:

“Kaixo! Kontsulta bat egin nahiko nuke. Kontua da aurreko urtean Lekeitioko Udalak baso bat erosi zuela, Lea ibaia jaiotzen dan lekuan: alde batetik, bertoko basoen aldeko apustua egin nahi dugulako, bestetik, ur edangarriaren hartuguneak honelako errekastoetan ditugulako, eta bestetik, Lea Ibaia Natura 2000 Sarean sartuta dagoelako. Honen laburpena aiderazten duen bideoa uzten dizuet berton, ikusi nahi izanez gero:

https://www.youtube.com/watch?v=l2OdQdZ50jE

Kontua da basoa, ura eta biodibertsitatea batzen dituen unitate didaktiko bat egin nahiko nukeela herriko ikastetxeetarako, baita herri mailan ere eskuragarri egon dadin. Irrati saio batean ere egin zen honen kontura berba, baina herri mailan gai honek garrantzia hartu behar duela uste dut. Horretarako beste bide batzuk zabaldu nahi ditut, eta unitate didaktikoa aukera bat izan daitekeela iruditu zait. Beraz, galdetu nahiko nizueke ea sareko kide den baten batek egin ahalko lukeen honelako zerbait”

Zure ustez, lagundu al dezakezu proposatzen den unitate didaktikoa egiten? Idatz ezazu kaixo@sareberdeak.eus helbidera prestatzen has gaitezen! Eskerrik asko!