EKOTEKA MERCEDARIAS

Leioako Mercedarias Ikastetxeak, Donibane Zentro Okupazionalak, Sare Berdeak eta BC3ko Mavik Mercedarias Ikastetxean iaz antolatutako klima aldaketari buruzko hitzaldi dibulgatzaileari esker, ikasle asko harrituta geratu ziren gure eguneroko jarduerek ingurumenean duten eragina jakin zutenean. Hitzaldiaren ondoren, Mercedarias Ikastetxeko eko-ordezkariek beren aletxoa eman nahi zuten eta ikastetxetik bultza zitzaketen ekintzetan pentsatzen hasi ziren.

Kezka horren ondorioz, ikasle eta irakasleen lanari esker, Ekoteka bat jarri da abian ikastetxean. Ekoteka Objektuen Liburutegia da, eta noizean behin erabiltzen diren produktuak edo tresnak jartzen ditu erabiltzaileen eskura: kalkulagailuak, jostailuak, liburuak, musika-tresnak, etab. Horrela, ikasleren batek edo irakasleren batek Ekotekako objekturen bat behar badu, maileguan har dezake, gero itzultzeko.

Ekimen honen helburua ekonomia zirkularra sustatzea eta gehiegizko kontsumoa eta erabili gabeko objektuen pilaketa murriztea da. “Mailegua erosi beharrean” printzipioan oinarritzen da, eta ingurumen-inpaktua murrizten laguntzeaz gain, kohesio komunitarioa eta elkarrekiko ikaskuntza ere sustatzen ditu.

Zure ikastetxea ere horrelako ekimen bat bultzatzea pentsatzen ari bada, eta Mercedarias Ikastetxeko Ekoteka bisitatu nahi baduzu, jar zaitez gurekin harremanetan kaixo@sareberdeak.eus helbidean. Esperientzia polit hau bultzatzen lagunduko dizuegu!