JAI GARBIEN ALDE KANPAINA: GORDEXOLAKO AZOKA

Abenduaren 1ean, Gordexolako San Andres eta Sortzez Garbia Azokan egon ginen Jai Garbien Alde kanpainaren markoan azoka aztertzen. Nekazaritza, abeltzaintza eta artisautza azokaren XXXI. edizioa izan da aurtengoa.

Helburu nagusuiak bi dira, alde batetik, azokan parte hartzen duten pertsonen iritziak eta pertzepzioak ezagutzea, eta beste aldetik, behatzaile gisa lan egitea dira.

Bertaratutakoen iritzia ondo aztertzeko produktu ezberdinak saltzen zituzten saltzaileei, artisauei eta bertaratutako pertsonei galdetegiak egin genizkien. Guztira, 14 saltokiri egin genizkien galderak eta azokara bertaratutako 7 pertsonari. Galdetegiekin azokan zehar egiten den hondakinen kudeaketaren inguruan dituzten beharren inguruan hausnarketak egiten lagundu ditugu.

Gordexolako Azoka adibide ona izan da nekazaritza eta abeltzaintzako azokek hondakinak kudeatzeko sistema on bat behar dutela erakusteko. Ekitaldiaren tipologia dela eta, hondakin arruntak biltzeaz gain (ontzi arinak edo beirazko botilak, adibidez), hondakin organiko, animalien hondakin, olio eta kartoizko kaxa ugari sortzen direla ere ikusi da. Azokan sortzen den hondakinik ugariena ontzi arinak eta beira izan dira. Postu gehienek ez dute hondakin askorik sortzen, saltzen diren produktu asko ontziratuta baitaude. Hondakin gehien sortzen dituzten postuak frutak eta barazkiak dira, eta organikoa botatzeko edukiontzi handiak izatea gustatuko litzaiekeela esan digute.

Gordexolak, azokaren ondoren, hondakinak metatzeko guneak dituela behatu dugu udal-zakarrontzietatik gertu (ez direla nahikoak izan dugu). Ikusi da paperontzietatik gertu mota guztietako hondakinak pilatzen direla. Txosna eta tabernen ondoan ere, horrelako fenomenoa behatu dugu.

Gordexolako udaletxearekin harremanetan gaude azokan egiten den hondkainen kudeaketa hobetzeko hurrengo edizioetara begira.

Guztion artean elkarlanean arituta #jaigarbienalde egiten badugu, hondakinak murriztea lortuko dugu! Zure herrian ekintzaren bat egitea nahi baduzu edo iradokizun edo ideiarik baduzu, idatz iezaguzu: kaixo@sareberdeak.eus