URDAIBAI GURIE, URDAIBAIRI BIZIA EMATEN DIOTENEN EKITALDIA

Datorren irailaren 24an Ekoetxea Urdaibaik ekitaldi paregabe baten bigarren edizioa hartuko du, sorpresaz betea eta publiko guztiarentzako jarduerekin. Bertaratzen direnek Urdaibaiko Biosfera Erreserbari bizia ematen dioten ekimenak ezagutuko dituzte, besteak beste, Sare Berdeak proiektua!

Tokiko aisia, kultura, artea, artisautza eta gastronomiaren eskaintza irudikatzen duen gunea. Ingurunearekin inplikatutako eta konprometitutako ekitaldia da hauxe, baita pertsonen ongizatearekin ere, gure ondare kulturala eta esentzia transmititzeaz gain.

Bertan eskainiko diren tailer, kontzertu eta jarduerok gure biosfera erreserbarekin % 100 konprometituta daude eta Biosfera Naiz mugimenduko ekitaldien parte dira. Urdaibai Biosfera Erreserbak eta UN Etxeak (UNESCOrako Euskadiko Elkartea) bultzatua. Urdaibai Guriek Ekoetxea Urdaibairen laguntza ere badu.

Informazio gehiago eta jardueren egutegia ikusi nahi izanez gero, esteka hau kontsulta dezakezu.