ZIENTZIA ASTEA 2024

Zientzia Astea Zientzia, Teknologia eta Berrikuntzaren Astea da, eta Universidad del País Vasco/Euskal Herriko Unibertsitateak antolatzen du, inguruan dutenari buruz jakin-mina duten guztiek –gazteek zein helduek, umeek zein nerabeek– aukera izan dezaten zientzia lanbide dutenekin zientzia ikusi, entzun, sentitu eta horretaz berba egiteko.

Edizio honek ura izango du ardatz: esandakoa, “Ur tantaka, zientzia zurrustaka”. Tailerrak, hitzaldiak, erakusketak, lehiaketak, monologoak, irteerak, bisita gidatuak eta hamaika gauza gehiago aurkituko dituzu Bilboko Bizkaia Aretoan, Donostiako Tabakaleran, Gasteizko Bibat Museoan, Gasteizko Ingeniaritza Eskolan eta Barakaldoko Clara Campoamor Zentro Zibikoan, azaroaren 6tik 10era, XXIV. Zientzia Astean.

Hirurogeita bost jarduera baino gehiago izango dira aurten Bizkaia Aretoan: zientzia-txokoak, tailerrak, erakusketak, argazki-lehiaketa, hitzaldiak, zientzia-ikuskizuna eta Zientzia Klubaren monologoak. Ez ahaztu bisita gidatu bizigarriak Bilbotik!

Hemen Bizkaia Aretoko zientzia asteko egitarauaren xehetasunak.

Informazio gehigarria hemen aurkitu dezakezu.

Zuen zain egongo gara!